Elektron kutubxona

SPORTDA MATEMATIKA

Muallif: Vafoyev B.R. Kazoqov R.T. Rajabov Sh.B.
Nashriyot: O‘ZBEKISTON DAVLAT JISMONIY TARBIYA INSTITUTI
Chop etilgan yili: 2016

O`zbekiston Respublikasi o`z mustaqilligiga erishgan kundan so`nggi davr ichida ta`lim 
sohasida erishilgan eng noyob kashfiyotlardan biri Prezidentimiz I.A.Karimov tomonidan ishlab 
chiqilgan va ayni vaqtda izchillik bilan hayotga bosqichma-bosqich tatbiq etilayotgan “Kadrlar 
tayyorlash milliy dasturi”dir. Aynan ushbu dastur tufayli mamlakatimizda faoliyat ko`rsatib 
kelgan ta`lim tizimi ko`p bosqichli va uzluksiz ta`lim maktabiga aylandi. 
Xalq xo`jaligining turli tarmoqlarida ishlab chiqarishni tashkil etish va boshqarish 
usullarini takomillashtirish turli matematik g`oya hamda usullarni qo`llanishini taqozo etadi. 
Matematika fan va texnika tili bo`lgani uchun har bir mutaxassisning ijodiy va amaliy faoliyatida 
muhim ahamiyatga egadir. Bundan tashqari hozirgi davrda hisoblash texnikasining turli 
vositalari insoniyat faoliyatini turli sohalarida keng ko`lamda ishlatilayotgani matematika 
fanining tatbiqlarini yanada kengaytirishga yo`l ochib bermoqda. 
Oliy ta`lim muassasalari uchun matematikadan uzviylashtirilgan dastur mustaqil 
diyorimizning iqtisodiy, jismoniy, madaniy, ma`rifiy va ma`naviy rivojlanish dinamikasini 
talabalar ko`z oldida namoyon etish va ular ongiga singdirishga xizmat qiladi. O`zbekiston 
Respublikasining “Ta`lim to`g`risida”gi qonuni, Kadrlar tayyorlash milliy dasturi va Davlat ta`lim 
standartlari talablaridan kelib chiqqan holda “Sportda matematika” fanini o`qitishning umumiy 
maqsad va vazifalari aniqlanadi. 
Oliy ta`limning Davlat ta`lim standartlariga ko`ra “Sportda matematika” fani jismoniy 
tarbiya va sportda matematik hisoblashlarni bajarish bo`yicha bilim, malaka va ko`nikmalarni 
tizimli shakllantirishga yo`naltirilgan. 

ko'rildi: 170, yuklab olindi: 324